中環海濱淪煲煙地 控煙辦失職
中環碼頭海濱長廊設有休憩處並已劃為法定禁煙區，但違例吸煙情況仍然嚴重，對其他使用者造成滋擾。有市民懷疑事涉違規吸煙或與海濱長廊禁煙告示有欠清晰，要求當局加強巡查的同時亦需增加禁煙警告。區議員則促衞生署轄下控煙辦嚴厲執法，同時加強與康文署合作，清晰劃分海濱長廊禁煙區界線，締造真正無煙休憩空間。
有人即使站在花圃石壆「嚴禁吸煙」告示（箭嘴示）前，亦照樣吞雲吐霧。
黎小姐指海濱長廊雖有張貼禁煙告示，但因面積過小，途人難以發現。
陳學鋒批評控煙辦執法被動，建議主動巡查，以達到控煙效果。
「我得閒就會去嗰度坐，但次次都坐唔得耐，因為好多人食煙，仲要幾個圍埋食，想望吓海、攤抖吓都唔得！」黎小姐不時會到中環碼頭海濱長廊的休憩處閒坐，平日多見有市民「一家大細」前往休憩，但同時又發現上址已淪為煙民「煲煙熱點」，令已劃作禁煙區的花圃變得煙霧瀰漫，假日情況尤其嚴重。
執法欠主動 促嚴加檢控
黎小姐又稱，休憩處範圍內雖貼有「嚴禁吸煙」及「此場地全面禁煙」等警告，但並不「起眼」，加上地面並未有劃上界線，估計不少煙民因未有留意告示而誤以為休憩處屬可吸煙範圍，「啲禁煙告示咁細張，貼咗等於冇貼，禁煙範圍又劃得唔清唔楚，都唔知係咪因為咁搞到愈嚟愈多人喺度食煙！」黎要求當局關注上址違例吸煙問題，還市民一個無煙休憩空間。
衞生署控煙辦發言人證實，上址屬康文署負責管理的公眾遊樂場地，為《吸煙（公眾衞生）條例》下的指定禁煙區。根據紀錄，控煙辦去年共接獲二十六宗投訴，曾進行二十五次突擊巡查，並票控十一名違例吸煙人士。接獲本報轉介後，控煙辦亦再到上址進行兩次突擊巡查，並即時票控三名違例吸煙者。發言人強調，一直有就問題與康文署保持聯絡，並會於上址增設控煙督察人形紙牌。
康文署發言人則說，已在場地當眼處張貼禁煙告示及場地範圍地圖，提醒市民切勿在場內吸煙。發言人又說，職員每天都會巡查上述場地，如發現市民違例吸煙，會即時作出勸諭。
「控煙辦巡查嘅次數同檢控數字明顯偏低，仲要收到傳媒轉介投訴先識整個人形紙牌，都真係太被動！」中西區區議員陳學鋒批評控煙辦執法有欠主動，要求當局盡快增聘人手嚴加巡查及檢控，同時應該加強與康文署合作，清晰劃分上址的禁煙區界線，避免有市民誤墮法網，「因為成個碼頭都係露天，有啲位係禁煙區有啲唔係，唔劃清楚真係會搞錯，最好喺地下加番啲顏色線，咁啲煙民會清楚少少！」
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
