大學生違規放盤，出租科大海景宿位，月租約六百蚊，令教育局局長吳得掂為之頭痕，一怒之下向運房局局長炳炳發洩。

吳得掂：係你！上樓艱難，搞到學生做埋啲咁嘅嘢！

炳　炳：又關我事？教不嚴，師之惰，唔好賴三賴四喎。

吳得掂：啲人有樓住，就唔會連宿位都有市有價啦！

炳　炳：炒風呢啲嘢，唔輪到我控制喎。

吳得掂：弊在學生炒埋一份，就係你嘅問題！

炳　炳：咪燒埋我嗰疊，你先係教育局局長，好好正視一吓你嘅工作仲好啦！

吳得掂：唔係我錯，又唔係你錯，我知啦……

炳　炳：知咩？咪鬼諗啦，當睇唔到咪算。

吳得掂：樓價貴，梗係關財爺事，學生單嘢入埋佢數先！

第一手消息請下載on.cc東網iPhone/iPad/Android/Windows Phone Apps