城中鏡：下拍拍：鄺美雲開金口 孫敬安邀復出
珠寶商人Cally鄺美雲同孫敬安日前為一晚會擔當統籌，眾所周知Cally係唱得之人，當晚佢好罕有咁開金口獻唱，仲請嚟著名音樂人趙增熹為Cally鋼琴伴奏。
鄺美雲
孫敬安
當晚Cally一身高貴粉紅長裙，盡顯其美好身段，跟住佢獻唱咗兩首耳熟能詳嘅名歌：《小城故事》同埋《前程錦繡》。而喺獻唱《前程錦繡》嘅時候，台下嘅觀眾反應熱烈，全場大合唱，氣氛熱鬧，可見Cally嘅人氣幾咁勁。
喺晚會後，孫敬安笑指今次同Cally合作好愉快，又指Cally人靚聲甜，邀請佢復出開演唱會，一定爆棚。咦，唔知Cally聽到孫敬安咁講，會唔會考慮復出開演唱會呢？Cally嘅粉絲就要拭目以待嘞！
