西貢：巴士站違泊 警方縱容
何伯不時乘搭巴士由西貢到黃石碼頭釣魚，發現西貢大網仔巴士站經常被違泊車輛霸佔，不僅阻礙乘客上落，更阻塞道路，令巴士等大型車輛難以轉彎。「我一星期都有三、四日去釣魚，次次都見到違泊，假期仲多！其實條路本身已經好窄，啲車泊晒喺度，你叫人點樣落車！」
西貢大網仔巴士站不時被違泊車輛霸佔，甚至雙行違泊。
警方發言人指出，過去十四個月共作十二次巡查及交通管制行動，共發出六張定額罰款告票。發言人承認，就違泊車輛阻塞巴士站情況，過去十四個月共接獲三宗相關投訴，並進行交通管制，及發出一個口頭警告。
「即係話一個月都巡唔到一次啦！呢個問題日日都有，警方收到投訴都知道問題未解決，起碼都喺假期最嚴重嘅時候去巡吓做吓嘢啦！」何伯不滿警方執法不力，變相縱容違泊人士。
