公屋水壓低 房署懶理
公屋單位水壓長期偏低，房署處理被指大歎慢板。沙田新田圍邨有住戶指單位水流量數年來一直嚴重不足，有時甚至「冇水出」，令日常生活大受影響。住戶向房署反映多時，水務署亦證實問題與屋邨供水系統有關，房署竟死撐測試結果正常，未有積極跟進，直至接獲轉介後才急急更換食水閘掣。區議員狠批房署未有急市民所急，要求就事件檢討。
區女士指家中水壓長期偏低，對日常生活造成極大困擾。
即使水龍頭已調校至最大水量，水流量仍會逐漸變得微弱。
水務署曾派員上門檢查水壓，證實情況與屋邨供水系統有關。（讀者提供）
「試過同個孫沖沖吓涼突然冇水，惟有叫啲鄰居唔好用水住，點知都係唔得。」區女士與家人於三年前入住新田圍邨，入伙未幾即發現單位水壓一直偏低，曾分別向房署及水務署反映，水務署亦證實問題或與屋邨供水系統有關，卻並未獲房署正視問題。由於煤氣熱水爐常因水壓過低而無法推動，區坦言擔心熱水爐或因「乾燒」而爆炸，「我已經沖咗好耐凍水涼，就算開到熱水，都因為水壓唔穩定，搞到有時淨係得熱水出，淥到啲皮紅晒，所以要用盆裝起啲熱水再自己溝凍水沖。」
記者曾到涉事單位了解，發現單位內的水壓極不穩定，即使將水龍頭調至最大，流量亦明顯較一般水喉微弱，而隨着開啟時間愈長，流出的水柱則變得愈來愈細，至下午七時後更出現多次「冇水出」情況。
「冇可能拖咁耐都唔處理」
水務署發言人證實，去年五月曾接獲事主查詢，並以電子壓力計二十四小時監測水壓，結果顯示繁忙時段單位水壓偶爾會出現偏低情況，相信與屋邨公用供水系統有關，已敦促屋邨管理處進行改善工程。發言人又稱，由於涉事單位位於由地下水管供水樓層中的最高層，故水壓會較低層稍微弱。
房署發言人則表示，去年十二月接獲住戶相關反映之後，工程組曾於今年二月初到單位測試水壓，結果顯示正常，屬可接受標準。住戶於今年四月再次反映單位水壓偏低，辦事處即日已派技術人員到單位檢查，工程承辦商於兩日後已更換一個公眾食水閘掣，並於三日後獲住戶回覆水壓已有改善。不過，對於單位水壓偏低的原因，發言人則未有回應。
「就算係地下供水令到嗰個單位水壓比正常低少少，都冇理由隔籬屋一用水就停水咁離譜，更加冇可能一路拖咁耐都唔處理，總要搵個原因出嚟再解決佢。」當區區議員程張迎狠批房署未有急市民所急，對住戶日常生活造成嚴重不便，要求當局徹查及交代事件，並應該定期檢查閘掣，以確保運作正常。
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
