美係創意不絕！尋日香港知專設計學院舉辦咗個形象設計嘅活動，畀啲形象設計同業交流，近年投身餐廳及岩盤浴生意嘅車婉婉都有到場，原來佢嚟撐一個長輩，問佢會唔會都搞一間形象設計公司？佢謙虛咁話：「邊夠膽？我幫手客串吓就得，我冇經驗。」

車婉婉話，形象設計可以幫人找到美的盲點，好有意義。

不過，佢都分析扮靚之道，佢話每個人都有盲點，好多人最靚嘅部分冇被放大，如果有人話畀佢知，咁樣人人都可以展現自己最美嘅一面。

講番工作，佢話一直想做嘅心靈重整工作室已經進行得如火如荼，「呢個係我一五年的願望，應該會喺五月尾、六月頭開，到時睇吓反應。」至於餐廳等生意是否賺好多？佢即笑言：「唔會啦，如果賺得多就唔使搞咁多瓣，退休啦。」

第一手消息請下載on.cc東網iPhone/iPad/Android/Windows Phone Apps