SUN搞作：網絡小說：俚語動畫廊

「你係主持人？歪歪，你收皮啦！」歪歪一聽，瑟縮一團，「王博士，開吓玩笑啫，主持人當然係你，今日又教大家乜嘢俚語？」王博士思前想後，終有決定，「就教『收皮』啦！」歪歪茫然，「博士，你啱啱都對我講收皮，不過我係機器人，鐵皮又唔係人皮，點收縮呢？你收皮就得啫……」

王博士不禁嘆氣，「傻瓜，收皮唔係解皮膚收縮，喺叫人收聲或者自動消失。譬如喺一個論壇上，對方雄辯滔滔，你完全無還擊之力，但自己又氣上心頭，你就可以大聲講句︰『你收皮啦！』」

歪歪突然叫道︰「即係好似粗口咁，用嚟鬧人發洩情緒！」王博士苦口婆心，「你思想歪邪，就會當佢係粗口，我重申呢句係俚語。好啦，講咗咁耐，歪歪你試吓用收皮造句。」

歪歪沉思一會，「就標準工時問題，政黨出賣工人利益，收皮啦！」