中環係商業核心區,上商近年落重本翻新中環總行大樓,尋日平頂禮,雖然仲係沙塵滾滾,(車立)都未整好,但上商全體管理層齊齊出動撐總行平頂,連今年九十二歲嘅上商董事長榮鴻慶都現身,仲自己撐上五樓出席活動,連阿仔榮智權都忍唔住讚句「老竇好嘢!」

老榮生(中)與阿仔榮智權(左)、郭錫志(右)企喺大樓模型前笑得好開心。

佢哋嘅總部大廈樓高二十八層,典禮就揀喺五樓舉行,一眾上商董事着住西裝、戴埋安全帽,齊齊由地下行五層樓出席活動,精神奕奕嘅老榮生平日好低調,尋日就自己「撐」上五樓,完全無出貓!

常務董事兼行政總裁郭錫志就話,上商策略都係希望分行盡量係自置物業,加上依家資本夠,唔需要賣樓。

至於下一步,就係重組旗下西環吉席街同旺角嘅物業組合,可能會好似中環總行咁,一半出租一半自用,但仍喺研究階段。

第一手消息請下載on.cc東網iPhone/iPad/Android/Windows Phone Apps