SUN搞作：網絡小說：人人被蹂躪

「我大聲嗌唔好，佢仲禮義廉咁話為我好，蹂躪我百遍又百遍，我最寶貴嘅嘢就咁化為烏有。就係佢令到我痛苦一生。」受害人激動，憤然指向犯人，可惜犯人欄內的施暴者毫無悔意。陪審團聽得咬牙切齒，可恨未能及時施援。受害人續道︰「每當我回憶起『見紅』嗰一刻，我就，我就……」哭聲再次響徹庭內。

非但陪審團，旁聽者位位亦為之動容，心中不禁產生同樣疑問，「文明之地何解有如斯暴行，難道此地已不堪如印度？」

「法官大人，如果你唔重判，你叫我仲點信香港仲係一個講文明、重法治、彰公義嘅地方？」受害人一句反詰，贏得全庭拍掌。「你放心，我一定會叫犯人補償你。」法官語重心長。

「大人，恐怕難啲。」欄內犯人輕佻，「有對沖機制，仲使乜補償？」

受害人頓時發狂︰「我寶貴嘅血汗錢呀！你呢個殺千刀嘅『強積金』！」