梅媽搬家申逾18萬元開支
【本報訊】已故樂壇天后梅艷芳母親「梅媽」覃美金，早前因拖欠租金而被業主收回跑馬地單位，她昨向高院申請從遺產中取得十八萬六千多元，以繳付搬遷費及新屋租金按金。她在庭上投訴法庭僅批她每月五萬元生活費是要「制死」她，質問法官：「（係唔係）因為阿梅叫你唔好畀我食呀？」。陳官反駁：「你講嘢要有啲分寸，五萬蚊香港地有好多人一半都賺唔到，仲要養成頭家」。梅媽不服氣說：「我使唔使做到咁呀？養成頭家我都試過，甜酸苦辣我都試過」。
梅媽昨又投訴法庭僅批每月五萬元生活費是太少。
官：裁決按法律非喜好
梅媽昨向法官陳江耀埋怨她雖身為遺產受益人，但「最慘就係我，我十二萬嗰陣乜都唔使求人」，每月五萬元實不足應付生活及醫療費。陳官強調所有法庭裁決乃根據法律，而非個人喜好：「你要發脾氣隨便你，如果你覺得我錯得咁緊要，咪告我囉！你告過法官啦！......我無選擇，我可以嘅話都想畀晒妳，等你唔使成日上嚟（法庭）」。對於梅媽的申請，遺產受益人之一的妙境佛學會已表明不會反對。
案件編號：HCMP 2981/04
