城中鏡：上影影：何國鉦生日P 驚喜停不了
時裝設計師Dorian何國鉦前日四十四歲生日，好友四洲太子女Kennis戴凱欣同契姐Cally鄺美雲分別為佢慶祝。
何國鉦四十四歲生日，一眾好友送上無限驚喜。
鄺美雲亦有為何國鉦慶祝。
Kennis率先喺生日前夕為Dorian賀壽，嘉賓有《變形金剛》女星趙茜同丁子高等，Dorian話：「四字喺命格中好利我，本來我想今年搞大Party，但病咗一星期，所以Kennis就暗地裏約一班朋友同我食晚飯，到場後見到掛住我個名嘅氣球，先知佢想畀驚喜我！」佢又話：「原本丁子高因病嚟唔到，但有朋友點唱楊千嬅演唱會嘅《飛女正傳》時，佢突然喺我後面行出來，大家即刻歡呼！」
至於Cally為Dorian舉行嘅生日會，佢話食飯後去咗Cally家唱歌作樂。咁收到乜嘢特別嘅生日禮物呢？佢笑說：「係一份扮影雜誌封面嘅畫，畫中嘅我好Chok，朋友見到即擺出同一款Chok嘅甫士合照。」
