浩瀚宇宙除咗地球人之外，當然有其他外星生物啦。就喺離地球好Ｑ遠嘅那星，就有一班天生好戰嘅那星人，一直想侵略霸佔地球，可惜幾千年過去，地球污染太嚴重，那星人對侵略已經失去興趣，轉而計劃俘虜地球人，希望透過繁衍提升那星人智慧。

「準備展開俘虜計劃！」那星戰士好揀唔揀，揀咗嚟香港捉俘虜，又係好揀唔揀，走去垃圾會搵目標。「政治人物嘅智慧肯肯定適合打種！」戰士Ａ見計劃即將大功告成，已經準備慶功，但係戰士Ｂ就察覺到端倪：「又話地球人好聰明？點解開會開到幼稚園咁？」

原來議會上，又係一班垃圾會議員做大龍鳳拉布，大嗌大叫掟吓嘢咁，最弊係唔知有心定殘障，次次都掟唔中。「一個小小嘅預算案，竟然提出幾千項修訂？到底係推出預算案嗰個低智，定係修訂嗰個低智？」那星戰士滿腹疑惑，決定擱置俘虜計劃，返回那星再行斟酌。

第一手消息請下載on.cc東網iPhone/iPad/Android/Windows Phone Apps