SUN搞作：Sun官場現形記：搵地其實唔難
食環署轄下熟食小販市場空置率高，如同佔地不用，浪費資源，可憐香港唔少人要住劏房。李衞難遏怒火，狠斥署長群群！
李衞︰ 左丟右丟，食環署真係丟……
群群︰ 丟咩呢？
李衞︰ 丟空土地，仲唔丟你……架咩？
群群︰ 我哋無丟空土地，只係塊地少啲人用啫。
李衞︰ 仲要繼續死撐，難怪審計署都炮轟你哋。
群群︰ 計我話，審計署應該讚我哋善用資源。
李衞︰ 吓，你咁都講得出口？
群群︰ 如果我哋唔係咁樣浪費土地，佢審計署邊有嘢做，一早摺埋都似。咁你話我哋係咪善用部門資源吖？
李衞︰ @#$$%%^
