政府每年買東江水總係用唔晒，將幾億公帑倒落海，有見及此，水務署近年推出多項措施鼓勵市民節約用水，又喺多個政府建築物同學校加裝節水裝置，但最新嘅審計報告發現，近三成政府建築物及學校加裝節水裝置後，用水不跌反升「慳水變嘥水」。報告又指水署雖為港人訂下每人每日節省十公升用水目標，惟久久未能達標，要求水署訂定達標日期。報告反映水務署好官僚，講一套做一套，節約用水得把口，水務署署長林天星變咗大嘥鬼兼敗家仔，小心市民兜巴摑到你滿天星呀！
