政府發展大嶼山又有新招，發展局日前透露研究喺大嶼山長沙同大鴉洲，興建水療度假村；又諗住擴大貝澳營地，期望將大嶼山打造成旅遊首選熱點。但發展局留咗尾巴，講明因涉及唔少城市規劃同法律程序，交通配套亦唔可以一蹴而就，估計至少要五至十年，先可睇到計劃成果。之前政府拋咗唔少發展計劃出嚟，天花亂墜，但最後總係尾大不掉，唔該發展局局長「波波」陳茂波呢次咪大隻講，搞到大嶼山發展計劃爛尾，令港人又痛失大筆經濟收益喎，否則屆時實當佢波咁踢！
