運署重複派傳票 逼司機食死貓
一次違例兩度接獲傳票，司機險被運輸署「罰完又罰」！有的士司機早前疑因衝燈及超速被罰停牌，完成停牌處分後竟再次接獲告票，指司機須就同一違例事項再度停牌，經查詢後運輸署始承認資料未有及時於系統內更新，故出現重複發出告票事件。立法會議員要求運輸署徹查事件起因並作檢討，以免再有市民無辜「中招」。
兼職夜更的士司機的Gilbert早前因衝燈及超速被罰停牌，疑因運輸署資料未更新而收「雙重傳票」。
Gilbert早於去年七月已就衝燈及超速事宜接獲法庭傳票，未料於十一月又再接違例事項及日期相同之傳票，質疑運輸署出錯。
運輸署以事件涉及投訴人個人資料為由，未有交代事件詳情，僅稱已就有關事宜作出跟進。
「舊年七月因為趕住載客去醫院急症室，所以衝燈同超速要停牌，點知停完牌之後又收到傳票，話要罰番七月已經罰咗嘅嘢，個日子同違規事項都一樣，做乜罰完又罰？」Gilbert為兼職夜更的士司機，去年七月因兩次衝紅燈及兩次超速被罰停牌三個月。然而，在完成停牌處分後，Gilbert於去年十一月竟再接獲傳票，部分違例事項及日期與七月接獲之傳票內容相同，質疑當局有「擺烏龍」之嫌。
議員促徹查挽公信力
Gilbert即時向運輸署查詢，事隔逾月後始獲書面回覆，當局解釋事涉電腦系統未有及時更新資料，以致發生重複票控情況，事後已作修訂。雖然如此，Gilbert仍不滿當局處事態度草率，認為大有檢討空間，「我去問啲職員，佢哋開頭仲好輕佻咁同我講，話『橫掂你都有咁多次違例，調番咪得囉』，一啲唔好意思都冇！如果我係犯咗規就應該受罰，但依家佢哋搞錯咗仲唔改善，又唔查清楚究竟點解會冇更新啲資料，咁嘅做嘢態度，只會令更加多人無端端『食死貓』！」
運輸署發言人以事件涉及投訴人個人資料為由，未作詳細交代，僅稱已就有關事件作出跟進，並已發信向投訴人解釋詳情。
「一單還一單，駕駛人士犯咗規係要受到應有嘅懲罰，但唔等於運輸署可以側側膊去輕視自己嘅失當，仲用一啲咁唔尊重嘅態度去回應市民查詢，我認為運輸署一定要就事件檢討！」立法會交通事務委員會委員王國興直指運輸署處理是次事件之態度極不可取，認為當局須徹查電腦系統未有及時更新資料的背後原因，「究竟係人為定係電腦出錯，仲有受害嘅人仲有幾多，所有嘢都要得個明白，同埋要馬上糾正番，如果唔係陣間錯到收唔到科，部門公信力就蕩然無存！」
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
