SUN焦點：拍拖特徵：忽然愛打扮
「好多家長一聽到仔女拍拖，就又打又鬧，令小朋友更加唔敢同父母講心事。」前線青少年工作者黎文豪直言，部分小學生拍拖的個案均僅屬互有好感、特別投契的階段，並非屬成人定義的戀愛，建議家長平心靜氣了解「拍拖」情況，判斷是否有「拍拖」，再與他們分析利弊，避免破壞親子關係。
過去有網民發現，有小學生情侶在麥當勞當眾接吻。
女為悅己者容，在化妝品舖亦可看到不少女學生。
或僅屬特別投契關係
黎文豪指，小學生拍拖的特徵明顯，如頻頻出夜街、零用錢很快用完、不時收到禮物、心意卡或信件。「最主要係忽然重視打扮，例如化妝出街、Gel頭，或者買多咗衫。」他指，小學生「拍拖」時特別注重在對方心目中的形象，父母可從外表改變，發現端倪。
若發現小學生拍拖，他教路，家長可透過生活細節，切入子女拍拖的話題。「例如你最近多咗手繩，好似幾靚，係邊個送o架？係咪男仔？對方點樣呢？希望透過仔女反應，了解到仔女諗法同情況。」他又指，部分小學生其實互有好感、特別投契，並非真正「談戀愛」。當子女願意分享時，再引述父母當初拍拖的經歷，協助子女分擔情緒上的壓力。
