博愛醫院尋日舉辦就職禮，而博愛第一副主席陳李妮明年將榮升主席，佢話：「覺得呢度範疇好廣泛，制度好好，由總理做到主席一職，可以試到唔同嘅崗位，學到好多唔同嘅嘢，我會放好多時間喺呢度，因為可以幫到好多人，而老公無論喺時間、金錢同行動上，都全力支持我o架，幫到社會上每個階層嘅人係開心嘅。」

陳李妮表明會放多啲時間喺博愛，而老公亦全力支持。

陳李妮又笑言老公都有口頭大呻冇時間陪伴佢，又話：「佢會口頭上話，叫我擺多啲時間畀佢，好彩呢度返工時間好好，星期六日放假可以陪到佢，其實我覺得呢度每位女性都有自己嘅家庭，可以安排同分配好所有時間好叻，好proud of佢哋。」

問到前亞姐冠軍嘅佢，有冇留意亞視不獲續牌？佢話：「有留意，希望亞視會以員工福祉為依歸，我相信老闆係有智慧同能力去解決問題。間中都有同啲舊同事食吓飯聯絡吓，我只知道佢哋話對亞視覺得失望，而我覺得好多嘢都有因由嘅，啲老闆有能力去解決o架啦！」

第一手消息請下載on.cc東網iPhone/iPad/Android/Windows Phone Apps