城中鏡：上影影：輪后趙海珠股海信自己
曾被譽為財經界「窩輪天后」嘅前新聞主播Alison趙海珠尋日出席環保素食專門店開幕活動，提及鄭少秋主演嘅《大時代》重播後，即令股民心驚驚，因擔心出現「丁蟹效應」，而尋日恒指跌幅逾五百點，咁信唔信係「丁蟹效應」？佢話：「其實冇乜點睇，最近股市都好浮 動，投資者都好難適從，之前又話內地打擊證券。」
曹敏莉近日忙於籌備珠寶網上生意。
趙海珠話最近股市好浮動，投資者難以適從。
再追問信唔信時，Alison話：「信自己，要睇吓點控制自己嘅風險，多過睇外圍。我冇幫屋企人投資，媽咪有自己一套，而我嘅投資亦冇受到影響，早幾個星期睇到消息，已經賣咗一啲。唔係話賺好多，大約五位數字，最緊要係唔貪心。」問到近日工作計劃？佢話：「依家做全職媽媽，但間中亦會以自由身接工作，包括擔任司儀同拍攝廣告等。」
曹敏莉忙設計珠寶
同場仲見到前港姐Mandy曹敏莉，佢透露自己雖然唔係全素食者，但戒吃雞、牛同豬已有一段時間，又笑言係特意嚟「素」貨，亦自備咗購物袋支持環保，佢話：「唔食肉都有兩年時間，但都會食海鮮同蛋，由佗囝囝時開始，覺得自己身體唔太需要食肉，除咗健康之外，亦好環保。」佢又透露近日忙於籌備關於珠寶嘅網上生意，其中由自己親自設計嘅一款珠寶，將於五月九日喺慧妍雅集嘅晚宴上出售。
