食環署安排排檔調遷，有商販因患糖尿病且聽力欠佳，望妻子陪同與會，竟不獲批准，李衞睇唔過眼，就去搵署長群群理論。
李衞︰你哋做嘢點可以咁橫蠻？
群群︰官字兩個口，你懂的。
李衞︰咁做你哋都無着數，何必呢？
群群︰少個人與會，咪少啲麻煩囉。
李衞︰但係如果惹反彈，咁咪仲麻煩，你話係咪蠢？
群群︰唏，大智若愚嘛！
李衞︰計我話，你哋嘅做法係大愚「若智」就真！
群群︰@#$%%%^
