活化中環街市是貪曾○九年《施政報告》提出，原本預留五億元活化街市，但造價升至十五億元，市民梗係嬲，一於鬧爆貪曾。

市民：又係你呢隻嘢，好事多為，活化街市搞啲唔搞啲，依家造價勁升！

貪曾：唔關我事呀，遇到司法覆核嘛。

市民：總之都係你衰，係你唔快啲搞！

貪曾：我無能為力啦，其實通脹同建築成本影響咁大，十五億搞得掂都偷笑啦。

市民：不知悔改，仲喺度講風涼說話！

貪曾：唉，要鬧不如鬧市建主席，你哋鬧我有咩用啫？

市民：舊蘇州屎係你搞出嚟，梗係鬧你！

貪曾：唔使愁喎，啲錢市建畀，又唔係你出，你咁揼心做乜！

市民：%^&*!@#!@@!!

第一手消息請下載on.cc東網iPhone/iPad/Android/Windows Phone Apps