勤運動,身體好。港區全國人大代表、城市大學校董會主席胡曉明一向熱愛網球,後生時仲代表過香港青年軍出賽亞青盃,雖然依家已經年屆花甲,依然都咁好身手。

胡曉明多年來一直勤練網球,今次錦標賽中榮獲亞軍。(受訪者提供圖片)

參加六十歲組別雙打賽

香港元老網球總會上周一舉辦咗一連五日嘅「超壯年網球錦標賽」,呢個賽事係畀六十歲以上嘅「元老」級網球好手參加,胡曉明就參加咗六十歲組別嘅雙打賽事。唔講唔知,原來呢個賽事有唔少猛人參加,佢嘅對手中,就有唔少曾經代表過香港出賽,不過,胡曉明一啲都唔遜色,憑多年來練波不輟,贏咗個亞軍返嚟!

第一手消息請下載on.cc東網iPhone/iPad/Android/Windows Phone Apps