市民誠邀食環署署長群群去食嘢，群群義不容辭，立即赴約，究竟點解要請佢食，一齊睇吓發生乜事。

市民：到啦，到啦，到九龍公園喇。

群群：……喺呢度食呀？

市民：係呀，不過未見外傭擺檔喎。

群群：擺乜呀？呢度唔畀擺賣喎！

市民：唓，你哋都唔執法，啲外傭個個星期日都喺度賣家鄉小食，咪帶你嚟試囉，費事你又話「見唔到」，唔執法呀！

群群：咁依家真係「見唔到」喎，我都做唔到嘢o架！

市民：吖，咁無賴，一陣見到，你無得唔做嘢啦！

群群：得得得，如果佢哋出動，即刻同我講，我幫你向康文署投訴，佢哋都有責任處理！

市民：*@#@^&*@#!!!唔通我搵錯人？！

第一手消息請下載on.cc東網iPhone/iPad/Android/Windows Phone Apps