SUN搞作：SUN辣燙短評：一字記之曰「炒」
全城瘋炒滙豐銀行一百五十周年紀念鈔，有人三張單鈔、一套三連張及一套三十五連張全部抽中，錢幣專家估計全部放售可淨賺逾三萬元。話時話，三萬元算係啲乜嘢錢吖，連二打六偽豪宅一塊豆腐膶大啲啲嘅階磚地都買唔到，又使乜咁鬼開心呢？
其實呢，要管治香港人，真係話都無咁易，成班港豬只得一字記之曰「炒」，只要責成各政府部門無嘢搵嘢嚟炒，下至郵票，上至司局長職位皆可炒賣，人人炒到天昏地暗不亦樂乎，仲講乜鬼民主自由真普選吖，老老竇竇連老竇姓乜都唔知啦，到時求其搵隻豬搵隻狗甚至捉隻「小強」做特首都無所謂，但係千祈一定唔可以搵一個人，邊個？鄭少秋呀老友。
小白（周一至五刊出）
本地博客
