本地時裝設計師Bonita張潔雯早排因接受乳癌治療而將所有工作停下來休息，前晚喺一個酒會上遇到佢，原來佢最近再度復出。問到其近況，Bonita坦言繼續做Styling嘅工作，偶然要飛去其他地方幾日，例如北京咁。

病愈復出嘅張潔雯，以一頭醒神短髮示人。

Bonita嘅頭髮亦重新長出，以一頭短髮精神示人。佢坦言二十幾年已經冇試過短髮，又話依家頭髮會密啲，出番嘅都幼啲。咁屋企人唔擔心佢做番嘢咩？佢話：「我覺得有寄託，同埋會慢慢做，唔會做太辛苦，休息多幾個月，Plan吓做其他嘢。」

對於依家每日嘅生活，Bonita笑言好忙，又話：「約朋友見吓、食飯，出Event，但唔會太多。依家食得盡量清啲，但自己好為食，好似雪蛤膏、燕窩唔食得，海鮮少食，盡量平均，乜嘢都唔亂食，同埋平時Keep住有恒心做運動。」

第一手消息請下載on.cc東網iPhone/iPad/Android/Windows Phone Apps