大角咀：舊樓滲水多年 滲水辦懶理
「跟咗咁多年都話搵唔到滲水源頭，次次打電話去問就敷衍我，最後仲冇咗件事添，咁我哋仲可以點？」居於大角咀舊樓的郭先生指出，睡房牆壁及浴室天花多年前出現滲水，導致牆壁發霉並有石屎剝落，曾向滲水辦舉報，惟多年來一直未能確認滲水源頭，令滲水情況一直持續。
有大角咀舊樓居民受滲水問題困擾多年，滲水辦卻未能確認源頭。
滲水辦發言人指，二○一○年曾接獲上址滲水舉報並跟進調查，睡房牆壁確有滲水情況，未能找出滲水源頭後已委派合約顧問公司到上址及上層有關單位進行調查及測試。其後發現牆壁水漬已乾涸，滲水情況停止，樓宇結構無明顯危險，遂於二○一三年暫時停止跟進個案。若滲水情況有變，舉報人可再聯絡該處。但郭先生卻直指滲水情況從未停止，要求當局積極跟進，勒令上層單位維修喉管。
