城中鏡：右拍拍：黃佩霞自然美全靠運動

整容美體漸趨流行，但有副好體態嘅黃佩霞就話佢鍾意自然美多啲，佢話自己嘅工作需要好多活動同極強運動量，對佢保持身材有一定幫助。

黃佩霞不斷運動，身材十年如一日。

「怕擺嘢喺身裏面」

黃佩霞日前出席一個活動時，穿着條低胸貼身裙，低胸裙將佢嘅苗條身段盡露，佢話：「呢條裙好耐喇。」講到身材十年如一日，佢話主要係工作嘅幫助，但年齡愈大，要保持就愈困難，咁佢對時下嘅美體隆胸有咩睇法呢？佢話︰「我驚擺啲嘢喺身體裏面，自然美最好！」而且，過分誇張的身材着衫可能冇咁好睇添。