城中鏡：左影影：陪奶奶睇新戲 圓圓搶住攞飛
行街睇戲一樂也！「玩具大王」蔡志明太太蔡李惠莉同幼子蔡加讚、新抱汪圓圓日前下晝六點幾，現身九龍一個商場，原來一家人去睇戲，戲飛仲由圓圓以自動售賣機領取添，似乎好熟路。
加讚一行五人到達戲院後，圓圓在自動售賣機取飛。
圓圓、加讚入場時有傾有講。
加讚同圓圓呢日並沒有二人世界，除媽咪外，仲有一個男友人，同一名保鏢隨行，佢哋一行五人一路有講有笑，到達戲院時，圓圓一個箭步上前，用自動售賣機取「飛」，之後就拿拿聲入場。問佢哋睇咩戲？蔡太話：「咩時速！」原來佢哋係結伴睇荷里活大片《狂野時速7》。
