SUN搞作：網絡小說：小希參選
黑人總統任期走向終點，同佢關係微妙嘅黨友小希已經撲出嚟公布參選，仲喺網上發布一條「走入人群」嘅宣傳片，黑人總統睇完，不禁哈哈哈哈笑咗出嚟。「小希呀小希，做乜照抄強國領導走入人群？全世界都知，呢啲嘢係假o架啦！選總統唔係咁玩嘅！」
小希嘅宣傳片畀黑人總統彈到一文不值，即時火都嚟埋，無他嘅，當年自己形勢大好都畀呢個黑人咗，依家條友仲扮晒專家咁說三道四，點會唔扯火。
「哼，你即管放長雙眼，今屆一定係女人抬頭！」小希壯志豪情，黑人總統笑問：「希希呀希希，你今年做咗body check未呀？選舉路遙遙，我怕妳上任都七張嘢……」「嗱嗱嗱，總統，咪亂講嘢呀，鋤你年齡歧視o架！我今日就偷你橋，喺度拋低一句，change呀！男人借歪啦！」黑人總統訕笑一聲：「change就change，最怕唔係男變女，係民主變共和啫！政黨輪替嘅嘢，你懂的。」
