政壇：政壇靚女專注區務唔拍拖

阿禎畢業於嶺南大學中文系，本來只係諗住做個平凡OL，但經歷佔領行動後，希望幫香港搵條新出路，後來參加過兩次同區議會有關嘅活動後，產生咗興趣，佢相信冇泛民主派勢力滲透在內後便毅然加入。阿禎話，佢冇任何政治背景，稱得上係「政治素人」，所以冇包袱又冇利益衝突，可以一心一意服務街坊。

不過，自從青年新政曝光後，好多人都開始注意阿禎，甚至佢同朋友嘅合照都被人擺上網品評。為咗保護家人同朋友，佢決定停用社交網站帳戶，「出得嚟都預咗，但依家覺得冇嘢，慢慢會習慣」。

當區居民有人覺得任何選舉愈多人參選愈好，可以多啲意見，互補不足。不過，亦有人覺得阿禎嘅資源不足，因為區選唔止係講政治理念咁簡單，居民好注重實際工作。