「我晚晚都會去公園跑步，有次我喺呢度一邊行一邊撳電話，冇留意地下，就畀嗰度啲磚頭戟親，差啲成個趴落地，好彩平時有做運動反應夠快咋！」陳先生表示，將軍澳常寧遊樂場外單車泊位地面不平，入公園時容易絆倒。

常寧遊樂場外地面不平，市民直指曾因而絆倒。

路政署發言人回覆指，該署已聯同康文署派員實地視察，發現該處單車停泊處及行人路面不平與鄰近樹木的生長情況有關，該署亦作出配合，安排承建商進行擴大樹穴，維修工程預計可於四月內完成。

陳先生希望當局繼續跟進上址道路地面不平問題，並考慮圍封路面不平地方，以免發生意外，「好多時都係啲樹根生生吓就搞到個地唔平，我覺得部門可能要改善依家個設計，或者要加強保養樹木同路面。」

第一手消息請下載on.cc東網iPhone/iPad/Android/Windows Phone Apps