順利邨：47號綠巴脫班賴塞車

「明明最耐都係等十五分鐘就有一班，點解有時等足五個字都冇車嘅？」順利邨居民李小姐平日下午習慣乘搭47號綠色專線小巴往翠屏邨，發現近日出現班次欠準情況，令其大失預算，「好多時都遲十分鐘左右，都唔知個營辦商點搞！」

來往順利邨及翠屏邨的47號小巴班次欠準，令市民大失預算。

運輸署發言人指出，有關小巴線平日班次為十二至十五分鐘一班，過去一年曾接獲九宗相關投訴，調查後發現班次不時在繁忙時間因觀塘協和街交通擠塞而影響服務穩定性。發言人透露，已即時提醒承辦商必須按照原定的班次安排提供服務，必要時亦需加強服務滿足乘客需求。

發言人強調，該署作為監管公共運輸服務的部門，會不時派員進行實地視察，並在有需要時與公共服務承辦商討論改善方案，以維持公共交通工具應有的服務水平。