城中鏡：下拍拍：半歲女識叫媽咪 爸爸加讚唔呷醋
已升級做爹哋嘅蔡加讚尋日出席一個活動，佢透露，半歲大嘅囡囡已經識叫媽咪，但就未識叫爸爸，咁佢會唔會呷醋嘅？加讚話：「媽咪重要啲，爸爸遲多幾個月先。」
加讚講起愛女就笑得甜絲絲。
佢話，暫時未打算追多個，依家囡囡仲太細，起碼都等佢識行路先喇。加讚話，平時工作好忙，只好放假抽時間陪囡囡：「平時放工十點幾返屋企，佢（囡囡）已經睡覺了，我都驚個女唔認得我，不過，佢又點會唔認得我。」自問自答，加讚愛女之心自然流露。
小朋友大得快，佢都笑笑口話，囡囡開始食生果蓉，「佢食糊仔個樣好好味，但我試過唔好食。」
