立法會秘書處早前發表今年度嘅政府財政預算案研究簡報，當中提到政府嘅投資收入佔總收入嘅比例持續下降，一次性紓緩措施對經濟增長嘅刺激亦都有限，又質疑政府投放喺基建嘅開支增長，高過醫療、教育同經濟等政策開支增長。唔知係咪因此觸動財經事務及庫務局局長陳家強嘅神經，財庫局罕有地以書面反駁，仲暗踩立法會嘅簡報唔夠全面、客觀，稱立論時要做好基本分析喎！

陳家強

立法會早前嘅簡報提到，政府投資收入佔總收入嘅比例數字持續下降，由○八至○九年嘅一成半，降至上年度嘅不足百分之六。財庫局尋日向立法會提交文件，澄清有關比例數字取決於相關年度政府從各項收入所收取嘅金額，又列出過去八年投資收入，反駁被指「持續下降」唔夠準確。其實立法會講嘅係比例數字，當局就用實際嘅收入嚟講，大家所講嘅係兩回事，真係公說公有理，婆說婆有理喇。

第一手消息請下載on.cc東網iPhone/iPad/Android/Windows Phone Apps