政壇：新書名惹嘲諷 伯南克「勇」解畫

網民話，聯儲局如果真正係有勇氣嘅，就應該讓花旗破產；又有網民話，伯南克所謂嘅勇氣，應該係不道德嘅勇氣，因為當局動用龐大公帑去打救嗰啲經濟衰退嘅罪魁禍首。書名起烽火，伯南克梗係要立即撲出嚟解畫，話個書名係反映決策者點樣鼓起道德勇氣，喺痛苦嘅環境同非議聲中，採取必要嘅行動咁話。

點都好，有人討論本書，對本書嘅銷情可能有幫助嘅，何況，前朝格林斯潘之前出版回憶錄，袋咗八百萬美元，相信伯南克呢本亦唔會少。據知，伯南克卸任後出席啲演說同公開活動，每場都袋走二十萬美元。今次賣書，荷包必又大進帳。