「電光火石間反應唔嚟」
【本報訊】眼眉和額頭位置縫了十針的警長，出院後仍豁達地說：「小事嚟啫！」郭坦言：「當時電光火石間，根本反應唔嚟！自己都唔知發生咩事！」並形容自己現時的情況「OK」，已無大礙，現正在家中休息，相信要等一個星期拆線後才可重返工作崗位。他又說：「加入警隊咁多年，之前未試過執行任務受傷，今次真係第一次！好彩情況唔嚴重，休息吓就無事。好多同事同朋友打電話嚟慰問，多謝大家關心。」
昨晨多名探員重返案發現場調查。
記低車牌 盡量避免追車
有資深警務人員透露，根據警隊訓練守則，警員截查車輛時應先由車尾走近，留心車內有多少人，避免司機在車頭見到警員，開車逃走時撞傷警員。今次郭與另一名同袍一同行動是理想做法。他又指，基於公眾安全的考慮下，警方都會避免車追車，但可以跟車，盡快記下可疑車輛的車牌，通知電台，供增援的同袍兜截。他認為今次受傷的警長已經「傷到瞓地」，其同袍亦要照顧傷者，不追截疑犯都是合適做法。
今年一月，一名署理警署警長在紅磡進行反盜竊行動時，發現有人疑偷報紙，上前阻止時對方跳上一輛客貨車開車逃走，警長尾隨衝上車，駛至約一公里外被推出車外及輾傷小腿，糾纏間，警長曾開四槍還擊，惟客貨車逃去無蹤，警方其後拘捕三名男女。
