車場入口錯置 房署靠害街坊
深水埗西邨路本設有交通燈運作的過路處，但自近年榮昌邨入伙後，不少行人貪方便經該邨停車場出入口斜行違例過馬路，人車爭路隨時釀成交通意外。區議員直指停車場出入口設置不當，問題源於房署在規劃新屋邨時諮詢不足，建議當局積極與相關部門研究改善措施，減少違例情況。
不少長者從停車場出入口斜行橫過馬路，易生危險。
不時有行人貪快從榮昌邨停車場出入口橫過馬路（箭嘴示），棄用原有過路處（紅框示）。
梁文廣
何婆婆指，西邨路常有長者違例過路。
「好多老人家都係咁行，我自己都試過，貪方便囉，喺停車場一出打斜過馬路就係，但係嗰次畀啲車嚇到我心都離一離，年紀大跑又跑唔郁，以後都唔敢啦！」七十七歲的何婆婆表示，西邨路本身設有過路處，但自從榮昌邨入伙後，居民及行人為「貪一時方便」經屋邨停車場出入口橫過馬路，「以前榮昌邨未起嗰時，人人都喺前面盞紅綠燈過馬路，但依家就多咗個停車場出入口，好多住富昌邨嘅人喺出面買完餸會經呢度返屋企，近啲又快少少吖嘛，啲人咪就咁過。」
議員倡移前紅綠燈
記者曾到場了解，五分鐘內已有逾十名人士從停車場出入口處違例斜行過路，其中大部分為長者，亦有手推嬰兒車的母親，只有少數行人會使用位於另一邊的過路處過路，而西邨路不時有私家車和小巴以高速駛經，間中要閃避行人。
當區區議員梁文廣表示，曾有街坊告知因違例過路險被車輛撞倒，幸未有發生嚴重意外，認為相關部門於規劃新屋邨時溝通不足，致令現時西邨路交通配套設計出現問題，「起榮昌邨嘅時候根本唔應該放個停車場出入口喺度，房署如果有做足夠諮詢同評估，就會知道咁嘅設計一定出問題，到依家入晒伙啦先嚟改善就要涉及好多部門，咁係好費時失事。」梁指唯一解決辦法是將行人過路處移前，方便居民橫過西村路。
運輸署發言人證實，過去兩年曾接獲兩宗有關行人違例橫過西邨路的投訴，署方人員實地視察時，亦曾發現有市民在非交通燈控制的行人過路處橫過馬路，過去曾在西邨路加設路邊欄杆。就有關遷移交通燈號控制行人過路處的建議，發言人指署方會繼續監察現場情況，因應該處交通流量及行人過路情況作出跟進。
對被指停車場出入口設置不當，房署發言人指在榮昌邨規劃初期，已委託顧問公司進行相關的交通影響評估，包括停車場出入口的選址和設計。
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
