陳小姐每天接送女兒上學必途經新蒲崗爵祿街，日前發現上址有廢物回收箱已滿溢多時，卻未見部門清理，而回收箱門鎖更呈鬆脫，曾目睹紙張掉出回收箱外，「講到底都喺垃圾嚟，長期堆積喺度，始終會有衞生問題！個鎖都壞埋瀉出條街就唔好啦，正常食環署日日都有人掃街，點解會冇發現？」

回收箱「逼爆」至頂端，食環署接獲轉介已作出跟進。

食物環境衞生署發言人表示，日前發現該回收箱的門鎖損壞，並已安排維修，惟並未有發現回收箱滿溢情況。

陳小姐證實，現時上址的回收箱已維修妥當，亦未再發現溢滿的情況，但仍希望食環署向承辦商加強監管，確保設施情況使用良好，「政府搞環保，市民都好支持，都想放落去嘅廢物可以會循環再用，如果個箱爛咗啲晒嘢瀉晒出嚟，就變番垃圾冇用喇！」

第一手消息請下載on.cc東網iPhone/iPad/Android/Windows Phone Apps