中華武術係國粹，香港國術總會會長王嘉恩（Albert）醉心中國功夫，最近仲有大計，佢日前透露，最近忙於同香港國術總會副會長周國豐籌備武術書籍《百家薈萃》嘅工作，年尾仲計劃組團上少林寺交流同探訪添。

王嘉恩（左）同戴凱欣雖然各有各忙，但都抽時間同老友共聚。

Albert話：「我哋請咗江志強師傅幫我哋做顧問，訪問香港嘅一代宗師。目標係出三本書，首先係訪問香港嘅武林高手，跟住再做國內同東南亞。希望趕得切喺書展推出。（會唔會出DVD？）諗緊，都會拍咗片先。」

另佢日前都同好友「四洲太子女」戴凱欣等友人聚餐慶祝復活節。戴凱欣透露自己會去台灣同日本作美食之旅，其實佢由新年開始一直食唔停，好在冇增磅，今次去台灣又會專登偷師學吓麻辣菜，提升廚藝喎。

第一手消息請下載on.cc東網iPhone/iPad/Android/Windows Phone Apps