政壇：「親王」站牌揭港鐵戀殖？
港鐵西港島線去年尾開通時，已經鬧出指示牌一再出錯嘅笑話，輪到西營盤站啟用，又係甩漏頻頻。西營盤站投入應用，區內市民最開心，點知尋日港鐵站內A出入口又發現多個指示牌出錯，牌上面係指示市民由邊個出口可以去到菲臘牙科醫院，點知牌上嘅字卻係菲臘「親王」牙科醫院，之後職員知道問題，先至匆匆加上貼紙，修正為菲臘牙科醫院，認真烏龍。
發現錯誤後，職員即以貼紙遮掩錯的指示牌。
點解會出錯呢？查實三十幾年前該醫院成立時，真係叫做菲臘親王牙科醫院，事關當時仲係殖民時期，故以英女王伊利沙伯二世嘅王夫菲臘親王命名。後來隨住香港回歸，於是刪去親王兩字。如今港鐵指示牌仲係搞錯，係咪有人有「戀殖」情意結？定係純粹手民之誤？
