消防員爭宿舍搞到內訌嘅消息傳到去李衞耳邊,身為傳媒達人嘅李衞,梗係即刻約消防處處長軒軒出嚟傾吓,睇吓軒軒諗住點搞掂件事。

李衞:為咗間屋,搞到兄弟反面,於心何忍呀?

軒軒:唉,鬼叫香港地真係一屋難求咩!

李衞:咁點算?仲唔諗辦法興建宿舍呀?

軒軒:興建?知易行難,我識救火啫,但唔識魔術棒變屋o架!

李衞:唔通你想視若無睹?

軒軒:手掌係肉,手背又係肉,可以點?

李衞:你係處長,你諗掂佢!

軒軒:辦法唔係冇,但係犧牲大啲……將消防人工人人加多啲,班兄弟就肯上車喇!

李衞:@#*@!##!*!!!

第一手消息請下載on.cc東網iPhone/iPad/Android/Windows Phone Apps