石硤尾:長鎖儲物籠 房署管理差
石硤尾邨球場於二○○八年於多個球場中央設置八個不銹鋼儲物籠,開放予球場使用者作暫時儲物之用。不過,經常到上述球場打波的阿龍發現,所有儲物籠皆以相同款式的鎖頭鎖上,令市民「有得睇、冇得使」,「個個籠都鎖住晒,但入面又冇擺嘢,早、午、晚打波嚟到都見到鎖住,係咪房署唔開畀人用?」
石硤尾邨儲物籠長期被鎖上,市民「有得睇、冇得使」。
房屋署發言人指,有關儲物籠開放時間為每朝六時半至晚上十時半,倘球場清場後儲物籠內仍有遺留物件,會由石硤尾邨辦事處按既定程序及做法將物件移走,強調已張貼通告在當眼位置說明有關安排。至於儲物籠長期被鎖上之原因,發言人未有回應。
阿龍不滿房屋署無視球場使用者需要,接獲投訴始將儲物籠重新開放,「投訴完先拎番走晒啲鎖,咁冇人投訴咪永遠咁擺喺度封塵?」
逢星期一至五見刊
熱線 3600 9988
電郵 socserv@on.cc
傳真 3600 9900
WhatsApp/SMS 6500 6500
來函請寄:香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理