城中鏡：上影影：賓架夥義工 塗鴉享「童」樂
依家好多私人機構都組義工隊，畀員工參與社區活動或為有需要人士提供服務，好似大新銀行咁，佢哋今年首個義工活動，就係同香港青年藝術協會搞一系列以復活節做主題嘅遊戲同藝術工作坊，啱啱就舉行咗「復活．童藝」樂繽Fun嘅義工活動，除咗預早慶祝復活節，亦希望為小朋友帶嚟特別嘅藝術體驗。
王美珍（左一）、潘宇楊（右二）同小朋友隻手都畫花晒。
當日義工隊聯同管理層，同嚟自「香港樂童行」嘅小朋友打成一片，又喺塊面度「塗鴉」，講笑啫，係畫畫。小朋友變晒花面貓，大新銀行嘅執行董事兼零售銀行處主管王美珍同該行嘅營運及資訊科技總監潘宇楊一樣走唔甩畫花晒……隻手。
雖然隻手被「塗鴉」，但王美珍好開心咁話，希望透過今次嘅義工活動，融入藝術教育，幫助小朋友喺愉快中成長。
