話說藝人吳若希嘅媽媽日前喺大埔炒單車重傷，令公眾再次關注踩單車嘅安全，平日不時以單車代步嘅立法會議員胡志偉話，自己架戰車雖然要三千幾蚊，但呢個價位喺市場上係普通貨色，強調最緊要係佩戴頭盔。不過，佢自爆單車頭盔係深水埗鴨寮街貨色，百幾蚊就有交易，之後又提及兩招踩單車心得，第一係落斜前要留意煞車系統有冇失靈，否則唔好亂衝落斜路；第二係一定要減速後先可以煞前轆，否則好易凌空反車，到時着咩裝備都會受傷。
胡志偉自爆戴住嘅頭盔係鴨寮街貨色。
