坑口：街燈故障 路署遲鈍
陳小姐每日下班皆從坑口經常寧遊樂場返回寶琳住所，早前發現近遊樂場入口有街燈於晚上仍未亮着，使上址行人道變得昏暗，影響途人視野。「呢條路夜媽媽已經冇咩燈，地下又凹凸不平，少盞燈條路就好暗，仲有好幾次差啲仆親！」陳指事隔近一個月仍未見有部門維修街燈，不滿當局疏於巡查。
陳小姐指街燈已損壞近月，惟直至本報轉介才有部門立即派員維修。
路政署發言人承認，經本報轉介後到實地視察，發現所述街燈有故障，已隨即安排承建商進行維修，維修工作亦於隔天完成。發言人表示，路政署委派承建商定期檢查街燈系統，不時安排維修，為道路使用者提供適當照明。
陳小姐對路政署的回覆表示滿意，「其實都要多啲搵人落嚟巡吓，呢區又多小路，佢唔同大街咁多燈，壞一盞燈成個月真係好影響！」
