博康街市渠淤塞 房署治標不治本
街市去水渠年年塞，水淹檔戶房署坐視不理！沙田博康街市有檔戶指去水渠長期淤塞、水深逾吋，房署拖延兩個月不處理，直至接獲轉介後始即時獲解決，但已對檔戶生意帶來極大損失。記者發現，有關去水渠淤塞問題早於兩年前亦曾發生，當年房署同樣被檔戶炮轟維修不力，當區區議員直斥房署每次維修皆以頭痛醫頭方式處理，以致治標不治本，要求全面勘察並制訂徹底改善方案。
何先生自行以砧板置於店外作進出之用，以免被滑倒。
區小姐訴說因渠塞水浸令生意額下跌。
渠塞時水浸深逾一吋。
陳國添
「今次嘅情況同兩年前一模一樣，成條渠塞晒，通完都係唔得，問親都係得個拖字，都唔知幾時先整好！」博康街市檔戶何先生指檔前渠管自今年一月開始出現淤塞，幾乎每日水浸，房署雖曾借出抽水機，可惜作用不大，何先生本人更曾因地面濕滑而不慎滑倒，亦有不少街坊中招，遂自行鋪上砧板「澗水」以作應對，更指水浸令生意額暴跌三至四成，「啲通渠師傅話條渠入面有好多嘢，通極都通唔到，希望房署可以快啲搞掂條渠。」
另一檔戶區小姐亦不滿房署僅以抽水機抽水了事，遲遲未有維修，「房署通過渠，但係通唔到，之後有兩次話嚟，結果又冇嚟到，啲街坊見到水浸都掉頭走啦。」記者到場時發現街市嚴重水浸，水深逾一吋，部分污水更湧至路中央，附近多個檔戶亦受波及，途人行經時均需小心翼翼。
求其敷衍 邊條塞換邊條
「兩年前係換過渠，但佢哋（房署）就只係邊條塞換邊條，完全治標唔治本，結果搞到其他渠啲垃圾都沖番落條新渠度。」當區區議員陳國添曾向房署要求全面翻新，卻遭當局一拖再拖，「我哋六、七年前已經要求佢哋提升個街市同商場，近年先聽到話搵顧問公司，房署咁多年已經起咗唔少街市，點解依家整一個街市就話要搵顧問公司，咁係咪一個藉口？」
房署發言人表示，分別於一月及二月發現上述去水口位置有雜物淤塞渠管，如魚鱗及魚內臟等，因情況較為嚴重，已即時安排工程承辦商利用高水壓通渠車通渠，農曆新年期間亦借出電動抽水泵予有關商戶以備不時之需，並於三月上旬安排工程承辦商全面勘察街市渠管，其後已再無發現淤塞情況。
發言人強調，每日均有職員巡邏街市，如收到商戶投訴渠塞會即時安排通渠，二月中旬曾作全面檢查，而有關渠管淤塞多為有人罔顧公德使用，於渠管傾倒雜物所致。
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
