喺幾年前開始,各大傳統商會都愛以高薪撬走前政府高官,幫商會出任要職,貪佢哋有商界人脈,又熟悉政府運作。好似政制及內地事務局前副局長Adeline黃靜文,前年就去咗中華廠商聯合會(廠商會)做行政總裁(CEO),開頭都做得好哋哋,佢亦講到慶幸自己唔喺官場,廠商會份工好適合佢。但勢估唔到佢做唔夠兩年就閃電辭職,並已向會董事會提出請辭。

黃靜文以私人理由辭去廠商會行政總裁一職。

Adeline自政府換屆後,就無再做副局長,之後佢「過冷河」一年後,上屆廠商會會長施榮懷前年就親自搵佢入廠商會做CEO,換言之即係擔任大內總管。其實舊年底廠商會換屆時,由李秀恒接替施榮懷做會長,都有人懷疑過Adeline會唔會過渡至新一屆嘅廠商會班子,但當時未見佢有乜異樣,但事隔唔夠幾個月,已經出現變數。我哋打過畀Adeline,佢話係以私人理由辭職。

第一手消息請下載on.cc東網iPhone/iPad/Android/Windows Phone Apps