政壇：每周之星：兜巴星：巴士脫班罰則輕 邱副懶理招民怨

過去二十年來，政府只曾就巴士長期脫班問題向巴士公司罰款一次，而且罰款僅八千港元；多名立法會議員炮轟政府監管巴士公司不力，而現行機制下嘅罰則欠阻嚇力，要求提高罰則，建議當局參考港鐵嘅賞罰方式。但係運輸及房屋局副局長「邱副」邱誠武就話，巴士脫班或受路面情況影響，巴士公司較難掌握，若貿然提高罰則，未必對巴士公司同乘客公道。不過，巴士長期脫班，又對乘客公道咩？邱副明顯係推卸責任，縱容巴士公司連年加價，但服務質素下降兼趕客，邱副乜嘢都唔做，遲早只會引爆民怨，被市民趕落台。