元朗：雜物擋咪錶位 無法付款
磚塊、雜物堆放咪錶泊位，市民泊車後無法入錶。袁先生早前到元朗建德街的咪錶停車場泊車，發現咪錶收費器前堆放大量磚塊及雜物，以致無法付費，「啲雜物圍住晒個咪錶，我伸晒手都拍唔到八達通畀錢！」約一星期後，袁仍發現雜物原封不動，不滿食環署未有清走雜物。
咪錶附近放有大量磚塊及雜物，令市民難以繳付泊車費用。
食物環境衞生署發言人表示，接獲本報轉介後派員巡查，發現有雜物堆放在咪錶位前的行人路，遂發出移除障礙物通知書，要求物主在指定時限內移走有關物品。該署人員覆查時仍發現有關雜物，遂安排潔淨服務承辦商移走有關物品及徹底清理上址一帶的公眾地方。
「其實日日都有人喺度掃街，點會個幾星期都冇人理，係都要搵《東方》先做嘢！」袁先生指每日均有食環署人員在附近清潔，不滿食環署對問題視而不見。
