SUN搞作：網絡小說：為「港人」發聲

「吳生你冷靜啲。」記者下筆，略有猶豫，雖說吳揪得是「工人之胱」，不，是光才對，訪問之際，振振有辭，不似會出賣工人。「你叫我點冷靜？我辛苦爭取規管僱傭合約，列明工時，何錯之有？」

「政府有吳得掂；政黨有吳揪得，雙吳攜手，香江之『覆』也！」記者出言安慰。吳揪得面容扭曲，「你話我覆亡香港？」記者急急揮手，示意非也，「係幸福個福。不過淨係列明工時，主動權似乎仲係喺僱主度……」

「咁有咩問題，一日得廿四小時，最多咪列明你一日返廿四個鐘，扣埋三餐時間，一餐一個鐘，都只不過係返廿一個鐘，連OT都慳番。難聽啲講句，就算無補水，都仲有份糧出，實好過啞視啲白做工人！」記者詫異，「一日做廿一個鐘？咁叫為港人發聲？」吳揪得反問︰「依家僱主唔係港人咩？」「咁……」記者無言。

「仲咁？依家唔使做吖？奴隸，開工啦！」